📽️ ЏЕНИФЕР ЛОПЕЗ НЕ САКАШЕ ДА ГО ТРГНЕ ЧАДОРОТ На ревијата на Стела Мекартни врнеше, но чадорите мораа да се спуштат

Актерката и пејачка седеше во првиот ред на ревијата на Стела Мекартни за колекцијата пролет/лето 2027, која се одржа на отворено во градините на британската амбасада во Париз. Дождот не престануваше, па Лопез пристигна подготвена со голем црн чадор.

Но, организаторите побарале гостите да ги спуштат чадорите за да не им го попречуваат погледот на луѓето зад нив. Лопез првично не реагирала на барањето.

Според „Дејли мејл“, жена што седела зад неа дискретно ѝ кажала дека персоналот бара да го тргне чадорот. Лопез наводно само нешто промрморела и продолжила да си гледа во телефонот. Во еден момент чадорот го држи и нејзиниот телохранител.

Неколку моменти подоцна, персоналот повторно ѝ се обратил, по што Лопез го предала чадорот. На снимката од моментот изгледа незадоволно, а сцената веднаш се прошири на социјалните мрежи. Дел од корисниците ја обвинија, додека други сметаа дека реакцијата е претерано драматизирана со оглед на тоа што врнело силен дожд.

Проблемите со дождот почнале уште пред ревијата. Кога пристигнала, Лопез забележала дека седиштето ѝ е мокро, па го чекала телохранителот да го избрише за да може да седне. Подоцна, додека седела во првиот ред, повторно морала да се справува со дождот откако чадорот ѝ бил отстранет.

Jennifer Lopez front row at the Stella McCartney SS27 show in Paris. pic.twitter.com/5pW0qSt4aj

— Jennifer Lopez Updates (@JLopezUpdate2) September 30, 2026

И покрај незгодната ситуација, Лопез привлече внимание со својот изглед. Таа носеше комбинација во чоколадно-кафеави нијанси, со здолниште и топ со ремен, голема марама од вештачко крзно, кафеава чанта и чевли во карамел нијанса. Косата ѝ беше пуштена во меки бранови, а изгледот го надополни со црн проѕирен превез.

Лопез седеше во близина на британската комичарка и актерка Дајана Морган, додека на ревијата присуствуваа и други познати имиња. Колекцијата на Мекартни беше инспирирана од морето и океанскиот свет, а ревијата се одржа во рамките на одбележувањето на 25 години од основањето на нејзиниот бренд.

Jennifer Lopez slammed for ‘diva behavior’ after making her bodyguard wipe her seat with a tissue and holding an umbrella over her during Paris Fashion Week. pic.twitter.com/fmX5aqUdeC

— Oli London (@OliLondonTV) October 1, 2026

Иако вниманието на интернетот го украде чадорот на Лопез, самата ревија имаше многу посериозна тема. Мекартни ја посвети колекцијата на морскиот свет и на заштитата на океаните, со порака „морски живот, а не морска храна“, критикувајќи го влијанието на комерцијалниот риболов врз морските животни.