ЏЕНИФЕР ЛОПЕЗ И БЕН АФЛЕК НА ВТОР МЕДЕН МЕСЕЦ Престојуваат во вилата на Џорџ Клуни на езерото Комо (ФОТО)
Пејачката и актерот, кои се повторно заедно по 20 долги години, минатиот викенд организираа голема свадбена прослава на имотот на Бен во Џорџија.
По првата венчавка во Вегас, Џенифер Лопез и Бен Афлек заминаа на меден месец во Европа со своите деца. Неколку дена уживаа во Париз, а потоа накратко заминаа во Италија. Сега, по големата и гламурозна венчавка за поширок круг пријатели што се одржа минатиот викенд, парот повторно замина на романтично патување.
View this post on Instagram
Жешкиот јули го поминаа во Париз, а потоа на патувањето им се придружија и нивните деца – близнаците на Џенифер Лопез кои ги има со Марк Ентони и трите деца кои Бен Афлек ги има со поранешната сопруга Џенифер Гарнер.
Пејачката и актерот, кои се повторно заедно по 20 долги години, минатиот викенд организираа голема свадбена прослава на имотот на Бен во Џорџија, САД, а набргу потоа решија повторно да побегнат на уште еден меден месец.
Овој пат изборот падна на саканата Италија, а се снимени само неколку дена по венчавката на бајковитото езеро Комо. Ова италијанско засолниште за богатите и славните го привлече и парот Афлек.
View this post on Instagram
Папараците успеаја да ги фатат Џенифер и Бен на бродот како се гушкаат и разменуваат нежности.
Потоа, на социјалните мрежи се појавија фотографии од нововенчаниот пар во елитен ресторан на езерото, каде што Амал и Џорџ Клуни се чести гости. Некои странски медиуми напишаа дека всушност, Џенифер и Бен престојуваат во вилата „Олеандра“, која е сопственост на холивудскиот актер Џорџ Клуни.
ФОТО: Инстаграм