СО ПОРЕМЕТЕНА СВЕСТ И ЗАТРУЕНИ Четворица тинејџери со повреди по телото се примени на Токсикологија
Од Министерството за внатрешни работи информираат дека на терен затекнале двајца од четворицата во безсознание, како и алкохол и психотропни супстанци.
Четворица малолетници попладнево во тешка здравствена состојба се примени на Клиниката за Токсикологија.
Малолетните лица кои се на возраст меѓу 14 и 17 години се хоспитализирани на Токсикологија, а биле донесени со пореметена свест и со бројни повреди по телото, изјави директорот на клиниката, Андон Чибишев.
Станува збор за две момчиња и две девојчиња. Две од децата имаат повреди по рацете и по нозете, а две се веќе стабилизирани.Четворицата биле пациенти на Клиниката за токсикологија, но Чибишев не открива повеќе детали за тоа.
За двете потешко повреени деца се прават дополнителни конзилијарни прегледи.
Тинејџерите попладнево биле пронајдени во куќа во Скопје.
Од Министерството за внатрешни работи информираат дека на терен затекнале двајца од четворицата во безсознание, како и алкохол и психотропни супстанци.
„Полициски службеници од СВР Скопје постапиле по пријава за нарушен јавен ред и мир и притоа е утврдено дека во куќата на Д.Г. (40) имало четири малолетни лица, од кои две биле во безсознание и истите консумирале алкохол и психотропни супстанци. Лицата се пренесени на Клиниката за токсикологија и во координација со јавен обвинител, кој излегол на лице место, се преземаат мерки за расчистување на случајот“, информира МВР.