ЕН ХЕЧ ПАДНАЛА ВО КОМА И СЕ БОРИ ЗА ЖИВОТ Откако со автомобилот удри во куќа
Полицијата во Лос Анџелес се сомнева дека Хеч можеби била под дејство на алкохол кога со својот син Мини Купер удрила во куќа, предизвикувајќи огромен пожар.
Холивудската актерка Ен Хеч во моментот е во кома и се бори за живот по сообраќајна несреќа во Лос Анџелес, пишува порталот „Пејџ сикс“.
„Набргу по несреќата, Ен Хеч изгуби свест и падна во кома. Таа има значајна повреда на белите дробови за која е потребна механичка вентилација, а нејзините изгореници бараат хируршка интервенција“, рекол нејзиниот портпарол.
Полицијата во Лос Анџелес се сомнева дека Хеч можеби била под дејство на алкохол кога со својот син Мини Купер удрила во куќа, предизвикувајќи огромен пожар. Добиле наредба да ја тестираат крвта на актерката за да утврдат дали во моментот на несреќата била под дејство на алкохол и/или дрога.
„Истрагата е во тек до резултатите од тестот на крвта. Доколку се покаже дека Ен била во алкохолизирана состојба, актерката може да биде обвинета за прекршок, судир и бегство“, изјавил претставник на полицијата.
Потсетуваме, Ен по несреќата била во тешка состојба, а потоа нејзиниот претставник за медиуми изјавил дека е стабилна и дека нејзиното семејство бара приватност.
Инаку, Хеч е позната по улогите во филмовите како „Psycho“, „Donnie Brasco“ и „Cedar Rapids“, а меѓу 1997 и 2000 година беше во врска со водителката Елен Деџенерис.
ФОТО: Инстаграм