ЕМИЛИ РАТАЈКОВСКИ ШОКИРАШЕ СО ИЗЈАВАТА Ме фати за голите гради, беше пијан (ВИДЕО)

Манекенката Емили Ратајковски тврди дека Робин Тик сексуално ја злоупотребил додека го снимале спотот за песната „Blurred Lines“.

Таа ги кажа овие тврдења во нејзината нова книга, „Моето тело“. Лондонскиот „Сандеј тајмс“ пренесува делови од книгата во која Емили пишува дека Тик ја фатил за голите гради додека го снимале видеоспотот за неговата песна.

– Одеднаш, од никаде, почувствував студени раце на странец како ги фаќа моите голи гради одзади. Инстинктивно се повлеков и се свртев за да го видам Робин Тик”, напишала Ратајковски, кој танцуваше со две други девојки во видеозаписот за песната која во 2013 година стана еден од најголемите светски хитови (иако „Ролинг стоун“ ја прогласи за „најлоша песна за таа и секоја втора година“).

Таа, исто така, вели дека првично уживала во снимањето, но тврди дека работите се смениле поради алкохолот на сетот. Ратајковски тврди дека пејачот почнал да се однесува грубо.

– Кога се повлеков, тој имаше некоја глупава насмевка на лицето и се сопнувајќи се тргна наназад. Ме гледаше под очилата за сонце. Ми се зацрни пред очите. Режисерката на видеото потоа извика: „Дали си добро?“  Ја кренав брадата, избегнувајќи контакт со очите. Се чувствував понижено. Не реагирав, не реагирав онака како што требаше – тврди Ратајковски.

Приказната ја потврдила режисерката на видеото, Дијана Мартел.

– Се сеќавам на моментот кога ја фати за градите. Фати по една од нејзините гради со секоја рака. Стоеше зад неа. Викав многу агресивно: „Што правиш, по ѓаволите? Што е тоа?! Снимањето заврши – рекла режисерката на спотот. За „Сандеј тајмс“ додала дека Робин се извинил и рекла дека „немало да се случи доколку бил трезен“.

ФОТО: Принтскрин