ЕМА СТОУН ПОСТАВИ НОВ РЕКОРД Актерката е најмладата жена во историјата на Оскарите со седум номинации

Двете номинации што Ема Стоун ги доби за Оскар за филмот „Бугонија“, ѝ донесоа неколку нови рекорди. Таа беше номинирана за најдобар филм како продуцентка и за најдобра актерка во главна улога, пишува The Hollywood Reporter.

Нови рекорди

Со 37 години, Стоун стана втората најмлада личност – и најмладата жена – во историјата на Оскарите што достигнала вкупно седум номинации. Само Волт Дизни бил помлад од неа, кога ја достигнал таа бројка на 34 години (1936). Претходниот женски рекорд го држеше Мерил Стрип: таа имаше 38 години кога ја доби својата седма номинација во 1988 година.

Стоун, исто така, стана првата жена што беше номинирана двапати истовремено и како продуцент и како актерка за истиот филм. Френсис Мекдорманд беше првата што го направи тоа (за „Земја на номади“), а Стоун го направи тоа за прв пат со „Кутри суштества“, а сега го повтори успехот со „Бугонија“.

Во потрага по трет Оскар

Пред номинациите оваа година, Стоун имаше пет номинации за Оскар, а две ги претвори во победи – во категоријата за најдобра актерка: за „Ла Ла Ленд“ и за „Кутрите суштества“. Доколку победи во таа категорија по трет пат, ќе се придружи на многу тесна група: само Кетрин Хепберн (четири победи) и Френсис Мекдорманд (три победи) го освоија Оскарот за најдобра актерка три или повеќе пати.

Конкуренција и други номинации

Во категоријата за најдобра актерка, Стоун е номинирана заедно со Џеси Бакли („Хамнет“), Роуз Бирн („Ако имав нозе, ќе те шутирав“), Кејт Хадсон („Song Sung Blue“) и Рената Рејнсве („Сентиментална вредност“).

Во трката за најдобар филм, „Бугонија“ се натпреварува со „Ф1“, „Франкенштајн“, „Хамнет“, „Марти Суприм“, „Една битка по друга“, „Тајниот агент“, „Сентиментална вредност“, „Грешници“ и „Воз на соништа“.

„Бугонија“ е номинирана и за најдобро адаптирано сценарио (Вил Трејси) и најдобра оригинална музика (Џерскин Фендрикс).