Елвис Бајрам: Ги деградирате моето име и презиме, не сум бил на огномет

Елвис Бајрам испрати демант на веста „Елвис Бајрам пукал огномети и интервенирала полицијата“ објавена на Плусинфо и сака да го огради своето име од неа.

„Објавената информација е целосно неточна и невистинита дека јас сум бил вмешан на настан каде се пукало огномет. Најнапред, јас живеам во општина Шуто Оризари а наведениот настан и пријавата кон полицијата дојде од граѓани кои живеат од друга населба. Понатаму, јас не сум присуствувал на наведениот настан со што објавените информации ги деградираат моето име и презиме.

Искрено сметам дека новинарите во нашата земја професионално ја извршуваат својата должност но со искажување на невистинити информации само ја нарушувате вашата професија и станувате дел од новинарите и медиумите кои пласираат неточни информации fake news. Искрено Ве упатувам да ги проверите информациите пред да ги објавите“, се наведува во демантот на Елвис Бајрам.