ЕЛИЗАБЕТА ИВАНОВСКА НА МЕСТОТО НА АЛЕКСАНДАР ОБЕДНИКОВСКИ Именувана в.д. директорка на Клиничката болница во Битола

По оставката на директорот на Клиничката болница во Битола Александар Обедниковски, со решение на министерот за здравство Фатмир Меџити за за нов в.д. директор на битолската болница е именувана д-р Елизабета Ивановска, информира Министерството за здравство.

Д-р Ивановска супспецијалист пулмолог, и досега беше началничка на Интерното одделение на Клиничката болница во Битола.

Во врска со случајот со починатото новороденче во Клиничка болница Битола, Министерството за здравство информира дека Државниот санитарен и здравствен инспекторат врши вонреден инспекциски надзор за утврдување на текот на лекувањето на починатото новороденче. Истовремено, формирана е комисија за стручен надзор, составена од двајца специјалисти гинеколози, неонатолог, анестезиолог, како и претставник од Министерството за здравство – соопштија од Министерството.