„ВО ПРОЦЕС НА РАЗВОД СУМ СО ДУШКО“ Јелена Карлеуша откри дека се разведува, се појави првпат во јавноста по семејниот инцидент

Српската поп пејачка Јелена Карлеуша синоќа го имаше првото појавување во јавноста откако нејзиниот сопруг Душко Тошиќ физички ги нападна неа и нејзиниот пријател во семејната вила на Дедиње, како што објавија српските медиуми.

Поп-ѕвездата се појави на изборот Мис Србија за 2024 година, како претседателка на жирито кое ја избра убавицата.

Јелена како и секогаш се појави во одличен стил достоен за дива, а за „српската Мет Гала“ како што го нарече овој настан, избра аутфит во стилот на Мерлин Монро – во бело од глава до пети.

– За мене е голема чест, претседателот на жирито има сериозна задача. Србија е позната по убавите жени. Себеси не се вбројувам во убавите, но се сметам за забавна жена, никако здодевна. Кога ќе помислам на убава жена, првата личност што ми паѓа напамет е Снежана Савиќ. Оваа планета би била совршена кога жените би владееле со неа, а мажите би служеле за продолжување на видот – изјавила Карлеуша.

Потоа ја спомнала и ќерката Ника, која неодамна беше матурантка.

– Прво ја испратив Ника на матура, патоа во Германија, каде што е со нејзиниот татко. Јас сум горда мајка, таа беше вистинска принцеза. Ја интересира фудбалот, тоа го повлече од татко и.

– Во процес на спогодбен развод сум со Душко – изјавила Јелена за српски „Курир“.