ЕКСПЛОЗИЈА ВО ВОЗДУХОПЛОВАНТА БАЗА НА КРИМ Украинците користеле моќно американско оружје
На социјалните мрежи се појавија видеа на кои се гледаат големи пожари на Крим. Руските власти не ги коментираа споменатите напади на базата во Саки, а Киев не ја презеде одговорноста.
Силните експлозии синоќа ја потресоа воздухопловната база Саки на Крим, објавија локалните канали на Телеграм. Тие наведуваат дека ракетниот систем ATACMS го погодил складиштето за муниција и ја уништил радарската станица.
„Украинските сили го погодија Крим со четири проектили испорачани од САД, при што беа ранети двајца руски војници“ – објави каналот Астра, повикувајќи се на извори од локалните служби за итни случаи.
Во информацијата се додава дека биле погодени складиштето за муниција во воздухопловната база во градот Новофедоривка и руската радарска станица за воздушна одбрана лоцирана во близина на селото Шелковичкоје во областа Саки.
Last night, #Ukrainian-made kamikaze drones attacked the “Saki” air base in the occupied Crimea – according to the locals, the Ruzzian ammunition warehouse was destroyed. 🚀🔥🇺🇦 #Ukraine 🇺🇦 pic.twitter.com/hU5DmvuBgY
— Zura Sarjveladze 🇬🇪🇺🇦🇪🇺 (@SarjveladzeZur1) July 26, 2024
На социјалните мрежи се појавија видеа на кои се гледаат големи пожари на Крим. Руските власти не ги коментираа споменатите напади, а Киев не ја презеде одговорноста, пишува Newsweek.
Телеграм каналот Кримски ветер со седиште во Крим, исто така, објави дека е погодено складиште за муниција во воздухопловната база Саки и објави фотографија на која се гледа пламен и чад.
Украинските сили ја нападнаа воздухопловната база Саки и во јануари, кога Микола Олешук, командант на украинските воздухопловни сили, рече дека е уништен контролен пункт на окупаторската руска армија.