📽 ЕКСПЛОЗИЈА, ПЛАМЕНА ТОПКА И ВРЕСОЦИ ВО АВИОН НАД РИМ Близу 300 патници успешно се вратени на земја
Моторот на Боингот кој летал од Рим кон Кина се запалил за време на летот, а според првичните информации, леталото било погодено од птица.
Моторот на авион од типот Боинг 787 управуван од кинеската авиокомпанија Хаинан ерлајнс се запалил денеска кратко по полетувањето од аеродромот Фиумичино во Рим, соопштија официјални лица на италијанскиот аеродром и крајбрежната стража.
Според локалните медиуми, авионот летал за кинескиот град Шенжен, а во него имало 249 патници и 16 членови на екипажот. По избувнувањето на пожарот, авионот се вратил назад и безбедно слетал во Рим.
„Авионот очигледно бил погоден од птица“, се вели во соопштението на италијанската крајбрежна стража.
Ударите од птици се вообичаени и можат да претставуваат значителна закана за безбедноста на авионите.
Немаше доцнења во воздушниот сообраќај во Фиумичино, изјави претставник на аеродромот.
Локалните медиуми објавија дека патниците биле вознемирени по овој инцидент и дека во авионот се слушнале врисоци и паника откако патниците виделе пожар во близина на десното крило.
NOV 11: Hainan Airlines Boeing 787-9 (B-1119, built 2018) experienced a series of engine surges in the early climb-out of runway 16R at Rome-Intl AP (LIRF), Italy. Flight #HU438 to Shenzhen entered a holding pattern and safely returned to land 55 min later. pic.twitter.com/EK7aX2Etb6
— JACDECNews (@JacdecNews) November 10, 2024
Според „Кориере дела сера“ дошло до серија експлозии, а потоа се запалил десниот мотор на авионот. На небото над Остија и Фиумичино се слушнаа мали експлозии. Авионот потоа прелетал над брегот неколку пати за да исфрли гориво во морето пред да се врати и да изврши итно слетување.
🔴 A Hainan Airlines Boeing 787-9 Dreamliner (B-1119) experienced a compressor stall in its right engine shortly after takeoff at Rome’s Fiumicino Airport. The flight HU438 bound for Shenzhen safely landed back at the airport. #Airways #News
📸: Aeronews pic.twitter.com/R0p9B082rB
— Airways Magazine (@airwaysmagazine) November 10, 2024
Поради силните експлозии на небото кај населението во Остија настана страв. Многумина стравуваа дека авионот ќе се урне на земја, но веднаш беа спроведени безбедносните процедури во случај на пожар во авионот.