📷 ЕКОЛОШКИТЕ АВТОБУСИ ОД ЕУ ПРИСТИГНАА ВО ГАРАЖИТЕ НА ЈСП Се засилува борбата против аерозагадувањето
Министерот за животна средина Изет Меџити рече дека и покрај постоечките владини мерки за намалување на аерозагадувањето, неговото министерство и Владата преземаат и други дополнителни чекори за справување со долгогодишниот проблем на скопјани.
„Нашата цел е да го претвориме Скопје во живописно место. Не очекуваме дека утре баш сите граѓани ќе се качат во автобус, меѓуоа се надеваме дека овој проект вреден 10 милиони евра ќе ги поттикне да почнат да размислуваат да ги остават автомобилите за момент и да користат јавен превоз“.
Ова денеска го изјави претставник на делегацијата на Европската Унија за време на промоцијата на шесте еколошки автобуси донирани на Град Скопје токму од ЕУ.
Министерот за животна средина Изет Меџити рече дека и покрај постоечките владини мерки за намалување на аерозагадувањето, неговото министерство и Владата преземаат и други дополнителни чекори за справување со долгогодишниот проблем на скопјани.
– Денеска е посебен ден, бидејќи со помош на ЕУ, нашиот главен град добива 6 нови автобуси. Со збогатување на возниот парк на ЈСП, ги подобруваме условите за користење на јавниот превоз. И покрај владините мерки за намалување на аерозагадувањето, презедовме дополнителни чекори. Ќе набавиме 100-120 електрични автобуси за потребите на општините и на Град Скопје. Воздухот не познава граници и мора да делуваме сите заедно – рече Меџити.
Скопската градоначалничка Данела Арсовска рече дека ова е голем успех за Град Скопје.
– Освен што е успех, своевремено е и доказ дека нашата градска администрација, кога не е блокирана од некого, способна е да спроведе нешто убаво за скопските граѓани. Со овие 6 еколошки автобуси ќе можат нашите граѓани уште од утре да се возат. Овој проект е значаен за Град Скопје, а освен автобуси, ЕУ ни донира и 3.000 садници – рече Арсовска.
Оваа донација следува откако автобусите на ЈСП престанаа да сообраќаат поради немање нафта, по што Владата одлучи да му позајми на град Скопје нафта од нафтените државни резерви.
Ден по оваа одлука, жителите на Шуто Оризари, предводени од нивниот градоначалник Курто Дудуш, протестираа пред општинските бараки и бараа оставка од градоначалничката, бидејќи во оваа општина повеќе од 730 денови нема превоз.
Скопјани веќе подолг временски период мачат мака со јавниот градски превоз.