СПЕЦИЈАЛЦИ ЌЕ БАРААТ ЕКСПЛОЗИВИ, ЌЕ ИМА ПРЕТРЕСИ Концертот на Ед Ширан во Загреб со засилено ниво на безбедност
Полицијата ќе пристигне со специјално обучена екипа задолжена за пронаоѓање на експлозив, па целото подрачје ќе биде темелно претресено. Пожарникарите веќе го обиколија теренот без публика, а на концертот ќе дежураат со возила за гаснење и патролирање.
Службите за безбедност се подготвуваат за големиот концерт на Ед Ширан во Загреб, а нивото на безбедност ќе се подигне, пишува хрватски Дневник.
Поради нападот што беше спречен во Виена, нивото на безбедност ќе биде зголемено пред концертот во Загреб, потврдуваат од СОА. Подготвени се, но јавно не го соопштуваат бројот на луѓе кои ќе работат на обезбедување.
Полицијата ќе пристигне со специјално обучена екипа задолжена за пронаоѓање на експлозив, па целото подрачје ќе биде темелно претресено. Пожарникарите веќе го обиколија теренот без публика, а на концертот ќе дежураат со возила за гаснење и патролирање.
– Имаме повеќе од стотина противпожарни апарати на самата локација. Самата локација е мал град. Всушност, не е мал, туку вистински град – рече командантот на ЈВП Загреб, Синиша Џембрих.
Експертот за безбедност Боно Марјановиќ истакна дека хрватскиот безбедносен сектор е на високо професионално ниво.
„Хрватскиот безбедносен сектор досега безброј пати го покажа своето знаење и вештина за обезбедување и завршување на собири на високо безбедносно ниво и верувам дека тоа ќе биде случајот“, истакна Марјановиќ.