ЕДНО КРВОДАРУВАЊЕ МОЖЕ ДА СПАСИ 3-4 ЖИВОТИ Крводарителска акција на Видеолотарија

На 14 јуни, кој во светот се одбележува како ден на крводарителите, Видеолотарија Касинос Австрија во соработка со Институтот за трансфузиона медицина од Скопје и со Црвениот крст, уште еднаш успешно реализираше крводарителска акција, со што повторно ја докажа својата хуманост на дело.

– Акцијата веќе е убава, хумана традиција, која ја практикуваме како колектив, додека голем дел од вработените практикуваат и индивидуално да поддржуваат вакви хумани активности. На овој начин, Видеолотарија Касинос Австрија дава придонес во спасувањето човечки животи и во промовирање и поттикнување на доброволното дарување крв – велат од компанијата.

Многукратни се придобивките од крводарувањето. Покрај хуманата цел – спасување човечки животи, кај крводарителите се обновува и регенерира крвта, а лицата кои ќе дадат десет пати доброволно крв, добиваат бесплатно лекување. Според Законот за работни односи на Република Македонија, работникот кој доброволно дава крв има право на отсуство од работа на два последователни работни дена за секое давање крв.

Крводарителството е доброволен чин и индивидуален одраз на хуманост и на солидарност. Крводарител може да биде секое лице на возраст од 18 до 65 години, со добра општа здравствена состојба. Според критериумите за крводарување, мажите може да даруваат крв на секои 3, а жените на секои 4 месеци. Едно крводарување може да спаси 3 до 4 човечки животи.