ЕДНАКВИ И МОЌНИ Пораки за родова еднаквост на маршот на СДСМ

Од плусинфо Објавено 05/03/2023 14:58:20

Под мотото „Еднакви и моќни“ членки на Форумот на жени на СДСМ од цела држава маршираа од Паркот на револуцијата, Могилата на непобедените до музејот „11 Октомври“ во центарот на Прилеп.

Претставнички на членките на Форумот на жени и претседателот на СДСМ Димитар Ковачевски положија свежи цвеќиња и се поклонија пред споменикот Жена борец во Паркот на револуцијата.

Со пораки за родова еднаквост на жените и мажите од бината пред Меморијалниот музеј е во тек обраќањето на претседателот на СДСМ и премиер Димитар Ковачевски кој меѓу другото ја нагласува големата улога на жените работнички, земјоделки, успесни жени, а родовата еднаквост е општествено прашање.

-Токму во Прилеп, од градот-херој, сакам да ги поздравам и да им се поклонам на сите храбри девојчиња, девојки, жени кои се гласни против насилството, храбри девојчиња, девојки, жени – ја имате мојата поддршка, ја имате мојата прегратка, порача денеска на Осмомартовскиот марш во организација на Форумот на жени на СДСМ, заменик претседателката на СДСМ Сања Лукаревска.

Таа порача дека ниту стравот, ниту молкот не е опција.

Можеби ќе ве интересира

ПРЕВИРАЊАТА ВО ВРЕДИ НЕ СЕ ЗАКАНА ЗА ВЛАДИНОТО МНОЗИНСТВО…

плусинфо 17/04/2025

ВРЕЛА ШЛАКАНИЦА ЗА СДСМ ОД БУГАРИЈА Филипче да се извини…

плусинфо 17/04/2025

– Не е опција ниту зборувањето напразно. Затоа, ги повикувам сите жени, без разлика на сите наши разлики, заедно да му се спротивставиме на овој погубен говор на омраза. Да дадеме пример како не мора исто да мислиме, но можеме достоинствено да разговараме. Верувајте, ќе ни се приклучат сите мажи, сите оние кои знаат дека без жените, животот би бил грешка – порача Лукаревска.

Генералниот секретар на СДСМ Миле Зечевиќ порача дека СДСМ го слуша и цени гласот на жената и постојано работи на унапредување на роводата еднаквост.

-Жената е херој и има посебна симболика кога ова го говорам во Прилеп – Градот херој, затоа што жените-хероини од Народно ослободителната борба, беа рамноправни партизани и родољуби, храбри и пожртвувани, еднакви и силни, кои со пушки в рака беа на браникот на татковината. Треба повеќе да зборуваме и да делуваме за нашите секојдневни жени-хероини, знајни, но многу повеќе незнајни. Нив ги среќаваме дома, на работа, на улица, во продавница… тие се тие кои водат секојдневни човечки битки за себе, за семејството, за своите блиски. За жал, за нив малку се говори – истакна тој.

Министерката за труд и социјала, Јована Тренчевска, порача дека со макотрпна работа успеале да воведат целосна родова еднаквост во органите на СДСМ.