Еден месец притвор за разбојник од Битола
Со оглед на тоа што постои опасност осомниченото лице да се даде во бегство, да го повтори делото или да влијае врз сведоците, надлежниот јавен обвинител до судијата за претходна постапка при Основниот суд Битола достави и предлог за определување мерка притвор.
Основното јавно обвинителство Битола нареди да се спроведе истражна постапка против едно лице за кривично дело – разбојништво, инфомираат од ОЈО Битола.
„Осомничениот, на 17 мај, ја пресретнал оштетената на улица и силно ја турнал со рацете. Кога оштетената паднала, удирајќи директно со главата на земјата, осомничениот ѝ го одзел паричникот во кој имало 450 денари и лични документи, со намера противправно да го присвои и избегал од местото“, соопштија од обвинителство.
Со оглед на тоа што постои опасност осомниченото лице да се даде во бегство, да го повтори делото или да влијае врз сведоците, надлежниот јавен обвинител до судијата за претходна постапка при Основниот суд Битола достави и предлог за определување мерка притвор.
Судот го прифати ваквиот предлог и на осомничениот му определи притвор во траење од 30 дена.