ЏЕЈ ЗИ ОБВИНЕТ ЗА СИЛУВАЊЕ НА 13 ГОДИШНО ДЕТЕ? Познатиот рапер негира каква било поврзаност со Диди и случајот
Во тужбата се наведува дека неименуваното девојче било дрогирано и силувано и од Џеј Зи и од Комбс на забавата организирана од Комбс по доделувањето на музичките награди на МТВ во 2000 во Њујорк.
Во тужба поднесена вчера до федералниот суд се тврди дека рап магнатот Џеј Зи силувал 13-годишно девојче заедно со Шон „Диди“ Комбс за време на забава во 2000 година.
Џеј Зи ги отфрли наводите на социјалните мрежи и ја критикуваше тужбата, нарекувајќи ја дел од „обид за уцена“ на адвокатот на тужителката. Адвокатите на Џеј Зи не одговорија веднаш на барањето за коментар.
Тужбата првично беше поднесена во октомври во јужниот округ на Њујорк и во тоа време не го именуваше Џеј Зи како обвинет, иако во изменетата тужба се вели дека Џеј Зи бил идентификуван како „славна личност А“ во првичната жалба.
— Roc Nation (@RocNation) December 9, 2024
Комбс ги отфрли сите обвинувања против него, вклучително и ова, во октомври. Тој во моментов е в затвор поради федерални обвиненија за сексуална трговија, за што се изјасни за невин.
Во тужбата се наведува дека неименуваното девојче било дрогирано и силувано и од Џеј Зи и од Комбс на забавата организирана од Комбс по доделувањето на музичките награди на МТВ во 2000 во Њујорк. Тони Базби, адвокатот од Тексас кој ја застапува девојката која ја поднесе тужбата во неделата, поднесе најмалку 20 граѓански тужби против Комбс обвинувајќи го за сексуално кривично дело