ЌЕ ТИ ТРЕБААТ 110 ГОДИНИ ЗА ДА ЈА ОБНОВИШ УКРАИНА Трамп му порачал на Зеленски да се откаже од териториите окупирани од Путин
Гледате дека во некои од овие градови нема ниту една куќа. Значи, кога ќе речете „вратете ја земјата“… Вратете што? Ова е за реконструкција од 110 години, му порачал новоизбраниот американски претседател на украинскиот колега од неговиот голф клуб во Флорида.
Новоизбраниот американски претседател Доналд Трамп му „испрати порака“ на Володимир Зеленски да почне да размислува за прекин на огнот и напуштање на сите територии окупирани од руските војници, пишува шпанскиот весник „Ел Паис“, пренесува УНН.
Според „Ел Паис“, оваа недела Трамп му се обратил на украинскиот лидер Володимир Зеленски од неговиот голф клуб во Флорида, повикувајќи го да почне да размислува за прекин на огнот и да ги напушти сите окупирани територии.
– Убаво е да се каже дека сакате да си ја вратите земјата, но градовите се главно уништени. Гледате дека во некои од овие градови нема ниту една куќа. Значи, кога ќе речете „вратете ја земјата“… Вратете што? Ова е за реконструкција од 110 години – додаде тој.
Сепак, неколку европски извори, кои сакаа да останат анонимни, сметаат дека сигналите што ги испратил републиканецот не се негативни.
Трамп вети дека ќе ја прекине војната во рок од 24 часа. Тој не даде навестување како ќе го направи ова, но неговата јавна реторика не беше охрабрувачка, според Ел Паис.
Доналд Трамп по средбата со украинскиот претседател Володимир Зеленски во Париз на 7 декември и во позадината на падот на режимот на Башар Асад во Сирија, изрази желба на Украина да склучи договор за запирање на војната и повика на итен прекин на огнот и почеток на преговорите.
Зеленски изјави дека ниту еден лидер во светот нема право да преговара за завршување на војната со рускиот диктатор Владимир Путин без Украина.