ЌЕ СЕ СМЕНАТ ПОСЛЕДНИТЕ АЗБЕСТНИ ЦЕВКИ Населбата Саат Кула добива нов водовод
Инвестицијата е од Министерството за екологија преку Општина Чаир - рече вицепремиерот Меџити.
Министерството за животна средина и просторно планирање ќе инвестира милион евра за изградба на нов водовод во населбата Саат Кула во Општина Чаир.
Првиот вицепремиер и министер за животна средина и просторно планирање, Изет Меџити, денеска при извршениот увид во градежните работи во населбата Саат Кула потенцира дека се работи за целосна изградба на атмосферска и фекална канализација, која ќе им служи на над 2.000 жители од оваа населба.
– Се работи за проект над милион евра во оваа населба, во која години наназад воопшто не е инвестирано. Најбитно е што ова се последните азбестни цевки кои се канцерогени и нездрави за граѓаните од овој дел. Не се инвестира парцијално, туку целосно, целата подземна инфраструктура за овие улици и улички каде има околу 2.000 жители. Инвестицијата е од Министерството за екологија преку Општина Чаир – рече вицепремиерот Меџити.
Овој регион е дел од Скопската чаршија, каде има десетици хотели, и затоа, додаде тој, е многу битен дел за сместување на туристите кои доаѓаат од разни дестинации.
Меџити нагласи дека оваа инвестиција директно помага и за ревитализација и на Старата скопска чаршија.