„ЌЕ СЕ СЛУЧАТ ПРОМЕНИ КОИ НЕ СЕ СЛУЧИЛЕ 100 ГОДИНИ, ВНИМАВАЈ ПРИЈАТЕЛЕ“ Треба ли Западот да се загрижи од пораката која Си Џипинг му ја упати на Путин (ВИДЕО)

Пред да замине од Москва, каде што два дена се состана со Владимир Путин, кинескиот претседател Си Џинпинг му рече на рускиот колега дека „доаѓаат промени“.

– Доаѓа промена која не се случила во последните 100 години. Ќе ја донесеме со заеднички сили“, му рекол Си Џинпинг на Путин, пренесува Дејли мејл.

Ваквата порака од кинескиот лидер се чини дека треба да го загрижи Западот, кој на испраќањето додал: „Те молам внимавај, драг пријателе“, на што Путин му посакал да патува безбедно.

“Right now there are changes, the likes of which we haven’t seen for 100 years,” Mr. Xi told Mr. Putin through an interpreter after the state dinner as the leaders bid farewell. “And we are the ones driving these changes together.” pic.twitter.com/0Q9cGfWLKl

— Valerie Hopkins (@VALERIEinNYT) March 21, 2023

Во текстот на Дејли мејл се наведува дека загрижувачката порака за промени „како што светот не видел 100 години“ е испратена откако Путин рекол дека ќе одговори на плановите на Велика Британија да испрати муниција што содржи осиромашен ураниум во Украина.

– Ние сме еден чекор поблиску до употреба на оружје со нуклеарна компонента доколку тоа се случи – рече рускиот претседател.

– Се чини дека Западот сака да војува со Русија додека не падне последниот Украинец – рече рускиот претседател.

Рускиот министер за одбрана Сергеј Шојгу изјави денеска дека светот е „на дофат“ на нуклеарна катастрофа.

– Направен е уште еден чекор. Остануваат сè помалку од нив – рече Шојгу.