ЌЕ СЕ ПОСТАВАТ ШИФРАРНИЦИ ВО СИТЕ ЗГРАДИ ВО КАРПОШ Лукровски најави и реконструкција на фасадите и модернизација на лифтовите
Кандидатот на ВМРО-ДПМНЕ за градоначалник на Општина Карпош најави и субвенции за целосна реконструкција на фасадите со што ќе постигне поголема енергетска ефикасност, пониски сметки за греење и ладење и поубава урбана слика за Карпош.
Сотир Лукровски, кандидат на ВМРО-ДПМНЕ за градоначалник на Општина Карпош денска, како што рече, претстав еден од најзначајните проекти во интерес на секојдневниот живот на граѓаните на Карпош- Програмата за реконструкција на фасади и модернизација на лифтови и поставување шифрарници во сите станбени згради на територијата на нашата општина.
– Знаеме дека голем број згради особено постарите со години се соочуваат со исти проблеми: дотраени фасади, нефункционални лифтови и недоволна заштита на влезовите. Овие состојби не се само естетски недостаток, тие се прашање на безбедност на достоинство и на еднаква пристапност на сите жители. Постарите лица, лицата со намалена подвижност, мајките со количките сите тие секојдневно зависат од исправноста на лифтовите -рече Лукровски.
Тој најави и субвенции за целосна реконструкција на фасадите со што ќе постигне поголема енергетска ефикасност, пониски сметки за греење и ладење и поубава урбана слика за Карпош.
– Истовремено ќе обезбедиме замена на сите клучни безбедносни компоненти на постоечките лифтови, од сајли сопирачки до ултразвучни механизми и системи за итни случаеви.Работите ќе бидат изведувани по современи стандарди и со задолжителни проверки за лифтовите, да бидат сигурни, доверливи и трајни. Дополнително во сите влезови ќе бидат поставени шифрарници за поголема контрола и безбедност на станарите, за спречување и злоупотреба од трети лица – рече тој.
Лукровски додаде дека иницијативата не е само техничка интервенција, ова е инвестиција во едно човечко достоинство, во комфор и во секојдневна сигурност на жителите на Карпош.
– Со овој фонд нашата општина ќе покаже дека знае да се грижи, дека умее да реагира и дека има визија, да создаде современа уредна и безбедна заедница за сите жители.Карпош ќе биде пример како се градат услови за удобно и пристојно живеење. Ова е чекор напред кон поквалитетно секојдневие, за секој дом, за секој влез, за секој жител – рече тој.!