ЌЕ Ѝ ПЛАЌА 12 МИЛИОНИ ЕВРА ГОДИШНО Принцот Алберт од Монако ќе плати висока цена за да не се разведе

Принцот Алберт од Монако потпишал доверлива спогодба во која тој се согласува да ѝ плаќа на сопругата, принцезата Шарлин, милиони евра, за таа да ги исполни своите кралски должности, и да се избегне развод, јавуваат француските медиуми.

Истакнатиот познавач на кралското семејство, Стефан Берн, смета дека здравјето на Шарлин често се користи за прикривање на проблемите меѓу неа и Алберт (64). Нејзиното враќање во јавноста следеше по долго боледување и престој во родната Јужна Африка, а потоа и неколкумесечното лекување во Швајцарија.

Гласините говорат дека „принцезата не се вратила за мала цена“, а нејзиниот 20 години повозрасен сопруг морал да потпише „ултра-доверлив договор”, што ќе го чини речиси 12 милиони евра годишно, објави списанието „Воиси“.

Настаните на кои Шарлин, наводно, треба да се појави, засега се „Големата награда на Монако“ на Формула 1 и добротворниот бал „Ру“.