„ЌЕ НАПРАВИМЕ СÈ ЗА ДА ПРЕЖИВЕЕ“ Позната е состојбата на човекот кој се поли со бензин пред хрватската влада

Претставници на Клиниката за трауматологија на КБЦ „Сестрите на милосрдието“ во Загреб соопштија дека човекот кој се самозапали пред хрватската Влада е во животна опасност.

– И покрај брзата реакција на итните служби, и покрај навремено спроведените итни мерки на интензивно лекување, животот на пациентот е во опасност поради природата и обемот на повредите. Го следиме неговиот развој, сместен е во делот за интензивно лекување на Одделот за изгореници – рече д-р Видовиќ и додаде:

– Тој има изгореници од четврти степен на речиси целото тело. Дури има и внатрешни изгореници.

Според Видовиќ медицинските лица ќе направат сè за човекот да преживее:

– Прогнозата е лоша, но да му дадеме шанса на човекот да преживее. Ќе направиме сè што е можно денеска да го спасиме човекот – рече д-р Видовиќ.

Станува збор за маж кој има 67 години.

– Често наидуваме на изгореници, но вакво нешто немаме со години – изјави Видовиќ и ја пофали брзата реакција на итната помош.

Мажот моментално е без свест, интубиран и го згрижуваат тројца лекари.

– Тоа е многу сериозна ситуација – рече Давор Вагиќ, директор на КБЦ „Сестрите на милосрдието“. Toj додаде:

– Им благодарам на колегите кои беа тука и му помогнаа на Одделот за изгореници. Апсолутно беше направено сè за да му се помогне што е можно поскоро.