Движењето „Јас Верувам“ разочарано од Заев: Станавте премиер само со албанските гласови, но сега сите сме Арбен!

Движењето „Јас Верувам“ во оторено писмо до лидерот на СДСМ Зоран Заев обвинува дека со антиалбански дејствија е разрешен Арбен Зибери и реагира против, како што велат, дискриминацијата и нееднаквоста.

Во продолжение реакцијата за разрешувањето на директорот на Центарот за јавно здравје Зибери поради како што образложи минатата недела, министерот за здравство Венко Филипче,  пласирање на неточни изјави во јавноста со што директно наштетил на угледот на членовите на Комисијата за заразни болести, доведувајќи го во прашање кредибилитетот на здравствените институции во борбата со коронавирусот.

Филипче тврди дека разрешувањето нема политичка заднина.

„Фактот дека Арбен е заменет со Александар е симптоматично за нашето општество. Г-дин Заев, кажете ни само една причина за разрешување на др. Зибери, се што знаеме е дека тој направи одлична работа како директор на Центарот за јавно здравје, особено во време на кризата со корона, кога беше на првите редови на борбата против пандемијата.

Отпуштивте посветен и професионален државен службеник затоа што тој го изрази своето мислење на Фејсбук а зборувате за демократија и граѓански права?

Го сменивте, и покрај неговата лојалност и професионалност, со Македонец? Кажете ни, ако Арбен навистина згрешил, зошто не одбравте еден од многуте албански здравствени експерти кои имаат исти вештини или можеби и подобри од Александар?

Господине Заев, јасно е дека вие целите на евтини македоснки гласови. Но, од некој што сака да ја води државата, очекувавме морален интегритет и очекувавме чесност. Ние Албанците очекуваме еднаквост.

Во 2016 година, многу Албанци гласаа за СДСМ – затоа што ветивте еднаквост, ветивте општество за сите. Во 2016 година ви однапред ви ја дадовме доверба. Ви ги дадовме нашите гласови. Ветивте дека ќе бидете поразлични од ВМРО. Вие станавте премиер само заради албанските гласови. Ги добивте нашите гласови, а за возврат, ние добивме само повеќе од истото. Г-дине Заев, разочарани сме! Г-дине Заев, гневни сме!

Ова не се однесува само на Арбен Зибери. Ова се однесува на фактот дека Албанците сè уште не се еднакви. Македонците сè уште се привилегирани во сите области на општеството. А Албанците сè уште се граѓани од втор ред. Се соочуваме со нееднаква правда, се соочуваме со дискриминација во работата и во секојдневниот живот.

Знаеме дека како политичар не можете да го менувате менталитетот на луѓето преку ноќ. Но, ние очекувавме да вие да играте примерна уога. Очекувавме искрени напори за еднаквост. А вие го заменивте Арбен со Александар. Само затоа што неговиот чичко се осмели да се кандидира за премиер како Албанец. Позиција за која верувате дека ви припаѓа само вас. Затоа што сте Македонец.

И така функционираат работите во Северна Македонија. По четири години измама за општество за сите. Ова не е се однесува само за Арбен. Сите сме Арбен. Ова не засега сите нас“, се вели во реакцијата на Движењето „Јас Верувам“ .