Двајцата дебрани од вечерва на Инфективна, 40 сопатници ќе се испитуваат

Двајцата сопружници на возраст од 62 и 68 години од Дебар, кои попладнево беше утврдено дека се заболени од коронавирус, од Италија во Македонија стасале во автобус на 27 февруари.

Патниците се со лесна клиничка слика и во стабилна состојба, изјави министерот за здравство Венко Филипче вечерва на прес-конфренција.

Тие првпат на матичен лекар се јавиле 2 март, но тој не препознал индикации и ги пратил на домашно лекување. Дома тие имале контакт само со братот на заболената дебарка.

Денеска со симптоми се јавиле во болницата во Дебар, каде им била поставена индикација согласно симптомите.

Тие од Италија до Македонија со автобус со 40 луѓе, од кои некои се симнале во Куманово, во Скопје и во Дебар.

– Во соработка со МВР веќе се најдени имињата и матичните броеви на сите патници од автобусот. Вечерва по индентификувањето и лоцирање, ќе се постапи бидат со соодветни мерки согласно нивната здравствена состојба и а по анализа на нивните контаки – рече Филипче.

Тој рече дека најголем ризик постои за патниците во трите реда пред и зад заболената брачна двојка.

Вечерва со специјален транспорт, заболените ќе бидат префрлени на Клиниката за инфективни болести во Скопје.