ДВАЈЦА СКОПЈАНИ ГИ НАПАДНАЛЕ СОПРУГИТЕ Биле во фаза на развод

Два случаја на семејно насилство се забележани во полицискиот билтен во скопската населба Аеродром во изминатите 24 часа, соопшти полицијата.

Во едниот случај имало и физички напад, а во вториот случај мажот агресивно однесување и закани кон сопругата, со која веќе била започната бракоразводна постапка.

„Денеска (19.09.2024) во 08.45 часот во Полициската станица Аеродром бил извршен службен разговор со М.И.(40) од Скопје, постапувајќи по претходна пријава дека на 16.09.2024 во семејниот дом на подрачјето на општина Аеродром физички ја нападнал неговата 34-годишна сопруга, со која биле во бракоразводна постапка. По целосно документирање на случајот ќе следува соодветен поднесок“, велат од МВР.

Во 09.40 часот во Полициската станица Аеродром, пак, бил извршен службен разговор со К.В.(34) од Скопје, постапувајќи по претходна пријава дека агресивно се однесувал и упатувал закани на неговата 33 – годишна сопруга, со која биле во бракоразводна постапка. По целосно документирање на случајот ќе следува соодветен поднесок, додаваат од полицијата.