ДВАЈЦА МАКЕДОНЦИ УАПСЕНИ ВО ИТАЛИЈА Во камион со струготини скриле 680 килограми дрога (ВИДЕО)
Освен дрогата, во акцијата се запленети оружје и 3.300 евра. Во интерес на истрагата не се наведува идентитетот на уапсените, чија база била во магацин до трговски објект.
Италијанската полиција уапсила четири лица од кои двајца македонски државјани, едниот од нив без дозвола за престој во оваа земја, за недозволена трговија со наркотични средства.
Според информациите од италијанските медиуми биле запленетите 680 килограми хашиш и марихуана, дури 600 килограми биле откриени во камион натоварен со струготини, со кој управувале македонските државјани. Кај едниот од нив пронашле и пиштол „магнум“ наполнет со куршуми.
Останатите 80 килограми се откриени во автомобил, подготвен за транспорт, во кој биле двајца албански државјани, кои исто така се уапсени.
Се наведува дека четворицата живееле меѓу Алесандрино и Асти, а постојат основи на сомнение дека дрогата е прошверцувана од Албанија.
Освен дрогата, во акцијата се запленети оружје и 3.300 евра. Во интерес на истрагата не се наведува идентитетот на уапсените, чија база била во магацин до трговски објект.