ДУИ ПРОГЛАСИ ПОБЕДА ВО ЛИПКОВО И ВО ПЛАСНИЦА Во двете општини нема да има втор круг
Потпретседателот на ДУИ, Арбер Адеми информираше дека Коалицијата Национална Алијанса за Интеграција (НАИ) предводена од Демократската унија за интеграција (ДУИ) добила две градоначалнички места уште во првиот круг на гласање. Победиле нивните кандидати во општините Липково и Пласница.
Можеби ќе ве интересира
– Во Липково е завршен изборниот процес и без втор круг на гласање. Нашиот кандидат Ерхан Арифи победи со сооднос 3:1. Исто така изборите завршија и во општина Пласница, каде што нашиот кандидат веќе ја заокружи целосно неговата победа, 2:1 со против кандидатот кој доаѓаше од Турската демократска партија – рече Адеми.
Тој најави дека како што ќе доаѓаат резултатите од секоја општина ќе ги објавуваат во партиското седиште на ДУИ во Тетово.