ДУИ: Филипче преку Арбен му се одмаздува на Насер Зибери за кандидатурата за премиер
Според ДУИ, тоа е недоличен, брутален и популистички акт со елементи на етничко влијание и политичка одмазда и е порака за сите Албанци, за целата Албанска дијаспора и сите други граѓани.
Демократската унија за интеграција остро ја осуди смената на директорот на Институтот за јавно здравје во Скопје Арбен Зибери од страна на министерот за здравство Венко Филипче и ја оцени како атак врз семејството на кандидатот за премиер Албанец, Насер Зибери.
– Овој недоличен, брутален и популистички акт со елементи на етничко влијание и политичка одмазда е порака за сите Албанци, за целата Албанска дијаспора и сите други граѓани. Ова постапување е неприфатливо бидејќи е мотивирано против семејството на албанскиот кандидат за премиер – велат од ДУИ.
Според ДУИ, кандидатурата на Насер Зибери за премиер Албанец е причина за ваквото однесување на министерот за здравство.
– Кандидатурата на Насер Зибери за прв премиер Албанец им го замагли видот и умот на политичките опоненти кои не бираат средства за борба против еден Албанец на чело на институциите и на владата, и по цена на загрозување на јавното здравје на граѓаните – велат од ДУИ.