ДУИ Е ПОВТОРНО ПОРАЗЕНА, ДЕНЕСКА НИШТО НЕ СЕ СЛУЧИ Намерно креираат тензии за да го заштитат Груби

ДУИ е повторно поразена. Дојде 11 декември и ништо не се случи. И ДУИ знаеја дека ништо нема да се случи, затоа што такви се судските процедури, рече Бране Петрушевски о д ВМРО-ДПМНЕ.

– ДУИ намерно креира постојана атмосфера на етнички тензии тоа го прават кога ќе се соочат со предизвици и со проблеми заради криминал, а на тој начин сакаат да одвлечат внимание. ДУИ креира намерно тензии не затоа што се грижат за правата на Албанците, туку затоа што сака да ги заштити криминалците во нивните редови како Артан Груби и останатите. Самиот факт што Артан Груби се најде на црната листа ги извади на површина политичките криминалци од ДУИ и СДСМ, кои се борат за власт да прават криминал. И шаторите со двајца без тројца на ДУИ пред Уставен беа само блед обид да ги манипулираат Албанците, кои ги лажат две децении. ВМРО-ДПМНЕ со години зборува за криминалот на Груби и неговото влијание и притисоци врз институциите. Ставањето на Груби на црната листа покажува и колкаво влијание имала таа партија заедно со СДСМ врз судството и зошто довербата во истото е само 2%. Знаејќи дека доаѓа време за одговорност и дека веќе не им поминуваат притисоците, ДУИ прави политички циркус. Тоа што никој не им оди на настаните, покажува дека народот ги прочитал. Пред Уставен беа само неколку политички криминалци, кои мислеа дека ќе ги лажат Албанците кои со години се иселуваа исто како и Македонците, додека тие правеа милиони. Доаѓа време за одговорност – рече Петрушевски.