ДРВЈА И ЛИМЕН КРОВ ОТКОРНАТИ ВО АЕРОДРОМ Муцунски излезе на терен, се работи на отстранување на штетите
Во моментов ги детектираме најпогодените точки во Општината и секаде каде што е забележана штета предизвикана од невремето. Ќе повикуваме аеродромци да останат смирени бидејќи штетите ќе бидат посочени до надлежните градски претпријатија и ќе бидат санирани во најкраток рок, напиша Муцунски на Фејсбук.
Страшното невреме откорна дрвја и лимен кров во општината Аеродром во Скопје. Градоначалникот Тимчо Муцунски излезе на терен со својот тим.
„По силното невреме кое го зафати главниот град заедно со претседателот на советот, Дејан Митески и останатите советници и службите на Општината излеговме на терен. Во активна комуникација со градските претпријатија работиме на отстранување на проблемите кои настанаа по дождот кој беше проследен со силен ветер“, напишал Муцунски и додал:
„Во моментов ги детектираме најпогодените точки во Општината и секаде каде што е забележана штета предизвикана од невремето. Ќе повикуваме аеродромци да останат смирени бидејќи штетите ќе бидат посочени до надлежните градски претпријатија и ќе бидат санирани во најкраток рок“.
„Општината Аеродром продолжува да биде вистински сервис на жителите и во соработка со градските претпријатија интензивно работи на решавање на проблемите на граѓаните и санирање на штетите“, вели градоначалникот.