📽 ДРОН СЕ УРНА ВО МОСКОВСКИОТ ЕКСПО ЦЕНТАР Зградата е на само 5 километри од дворецот Кремљ

Украински дрон удри во зграда во комплексот „Експо Центар“ во самиот центар на Москва рано утринава. Леталото удри откако претходно беше соборено од руската противвоздушна одбрана го собори. Ова го потврдија руските власти. Сведок на Ројтерс кој бил во областа раскажал дека слушнал „силна експлозија“.

На сликите објавени од Ројтерс се гледаат работници за итни случаи како го проверуваат оштетениот покрив на деловната зграда во која удри дронот.

Moscow… BAVOVNA ✨✨✨

“One UAV fell on the roof of the Expocentre in the Moscow City area and broke through the roof. An explosion was heard in Moscow City. Preliminary in the area of ​​the Federation Tower” pic.twitter.com/L6MNLvGOqK

— MAKS 23 👀🇺🇦 (@Maks_NAFO_FELLA) August 18, 2023

Руското Министерство за одбрана и градоначалникот на Москва Сергеј Собјанин изјавија дека нема жртви.

Експо Центарот се наоѓа на помалку од 5 километри од дворецот Кремљ. Зградата содржи изложбени павилјони и повеќенаменски сали.

Леталото го попречило сообраќајот на сите цивилни аеродроми.

„Околу 4 часот наутро по московско време, режимот во Киев изврши уште еден терористички напад користејќи беспилотно летало врз објекти лоцирани во Москва и во регионот на Москва“, соопшти руското Министерство за одбрана.

Авиосообраќајот беше накратко суспендиран на четирите главни аеродроми околу главниот град – Внуково, Домодедово, Шереметјево и Жуковски – иако подоцна тие беа повторно отворени.

Руската агенција за воздушен транспорт соопшти дека седум летови биле пренасочени на алтернативни аеродроми.

Воздушните напади со беспилотни летала длабоко во Русија се зголемени откако на почетокот на мај беше уништен дрон над Кремљ. Цивилните области на главниот град беа погодени подоцна во мај, а московскиот деловен кварт беше цел двапати во три дена претходно месецов.