ДРАМА ВО СЛОВЕНИЈА, ПЕТ ЛУЃЕ ЗАРОБЕНИ ВО ПЕШТЕРА! Нуркачи им носат храна и вода на тричленото семејство и двајцата водичи, а нивото на водата постојано расте

Пет лица, двајца туристички водичи и тројца посетители останаа заробени во Крижна јама во областа Церкница во Словенија поради обилните врнежи во попладневните часови. Службата за заштита и спасување добила повик нешто по 17 часот.

На местото на настанот се испратени повеќе спасувачки единици, а според управата интервенирале спасувачи на пештери и нуркачи од спелеолошките заедници Постојна, Љубљана и Ново Место кои ноќта успеале да стигнат до затрупаните лица.

– Тие беа фатени на суво и безбедно место зад сифонот, но многу длабоко во пештерата – изјави Валтер Закрајшек за Н1. Нуркачите им доставуваат храна и вода, комуникацијата е отежната поради оддалеченоста од 2.400 метри.

Не е сосема јасно кога заробените луѓе ќе можат да излезат од пештерата бидејќи се зависи од тоа кога ќе падне нивото на водата.