🎥 ДРАМА НА НЕБОТО НАД КРИМ Стотици дронови го „продупчија“ пристаништето

Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим.

Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск.

Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море.

Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми.

Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски.

На социјалните мрежи е споделено видео на кое женски глас вели:

-Нашето пристаниште е крената во воздух.

Too fckin’ bad, babe. https://t.co/Ggjo2MbCL4

— Hiking Fellina – 🇺🇸🇺🇦🇨🇦🇬🇧 (@StKytti) May 17, 2024