ДРАГ ШЕФЕ, ФАЛА ЗА СЛОБОДНИТЕ ДЕНОВИ! Јапонец знае како да искаже благодарност
Многу корисници на Твитер веднаш ја покажаа својата љубомора затоа што овој човек успеал да го оствари сонот што многумина од нив го имале, но не го оствариле.
Еден Јапонец од публиката на натпревар на Светското првенство во фудбал во Катар најде оригинален начин јавно да му се заблагодари на својот претпоставен за двете слободни недели што ги добил за да може да отпатува во Катар. Оваа негова постапка веднаш стана хит на Твитер мрежата.
„Шефе, ти благодарам за двете недели одмор“ – напишал Јапонецот.
Многу корисници на Твитер веднаш ја покажаа својата љубомора затоа што овој човек успеал да го оствари сонот што многумина од нив го имале, но не го оствариле, да го следат Светското фудбалско првенство во живо.
Јапонците на ова првенство привлекуваат внимание со своето однесување, и на теренот и надвор од него. На големо воодушевување наиде постапката на јапонските репрезентативци, кои по натпеварот со Германија ги исчистија отпадоците што зад себе ги остави публиката.
This Japan fan must have the best boss in the world 😂 pic.twitter.com/HCfwwVrGoL
— ODDSbible (@ODDSbible) November 23, 2022