ДОЖДОТ НЕМА ДА ЗАПРЕ И ВО НАРЕДНИТЕ ДЕНОВИ Денеска температурата до 12 степени

Времето денеска ќе биде променливо облачно со повремен дожд кој во средината на денот ќе намали и ќе добие на интензитет во вечерните часови. Ќе дува слаб до умерен ветер од јужен правец, поизразен долж Повардарието.

Минималната температура ќе биде во интервал од 1 до 6, а максималната ќе достигне од 6 до 12 степени.

Во Скопје ќе биде претежно облачно, преку денот со услови за краткотраен дожд, а почести врнежи ќе има кон крајот на денот и во текот на ноќта. Ќе дува слаб до умерен ветер од југоисточен правец.

Минималната температура ќе се спушти до 5, а максималната ќе достигне до 12 степени.

Во деновите за викендот ќе преовладува променливо облачно време со повремени локални врнежи од дожд. Од недела и во деновите потоа наместа врнежите повремено ќе бидат поројни и пообилни и краткотрајно со услови за појава на грмежи. Постојната снежна покривка на помалите височини ќе се намалува. Особено во недела ќе дува засилен до силен јужен ветер, со брзина од над 60 километри на час.