(ВИДЕО) ДОЖД И СНЕГ ВО ШВАЈЦАРИЈА Се излеа и реката Рајна, но нема поплавени населени места

По големите горештини, Швајцарија во последните неколку дена ја зафатија обилни врнежи од дожд кои предизвикаа поплави и одрони од кал, а вчера падна и снег на Алпите.

„Температурата драстично се намали за четири дена. Во четвртокот термометарот покажа 31,2 степени Целзиусови. Во 11.15 часот беше 0,5 степени. Границата меѓу дождот и снегот е помеѓу 2.000 и 2.400 метри во остатокот од швајцарските Алпи“, објавено е на платформата X MеtеoSuisse.

Неколку премини, вклучително и Готард и Симплон, вчера беа затворени поради обилните врнежи од дожд кои започнаа во петокот вечерта и предизвикаа неколку лизгања од кал. Железничкиот сообраќај на места беше во прекин поради одрони.

Рајна се излеа, но населените места не беа погодени.

Во Тичин веќе неколку дена врне силен дожд. Во некои населени места водата за пиење е загадена.

Врнежи се очекуваат и денеска. Снегот треба да продолжи да паѓа на планините, но тоа нема да биде доволно за да се спасат глечерите.

Швајцарските глечери изгубија 6 отсто од својот волумен помеѓу 2021 и 2022 година, во споредба со една третина помеѓу 2001 и 2022 година.

Mit den intensiven Niederschlägen sank die #Schneefallgrenze zum Teil unter 2000 m, im #Wallis sogar bis auf 1600 m. Danke an Stephanie Schärer für das SRFMeteoVideo von Zinal/VS. ^je pic.twitter.com/CB81YNPTHg

— SRF Meteo (@srfmeteo) August 28, 2023