Доста боледувавте: Американските милијардери подготвени да ризикуваат туѓи животи

Американскиот претседател рече дека не сака лекот за пандемија на коронавирусот „да биде полош од самиот проблем“, а некои од најбогатите Американци му се придружуваат во тоа.

Тие сакаат да ја стартуваат економија која може да се соочи со најголем квартален пад во историјата – дури и ако тоа значи укинување на мерките за социјална оддалеченост која ја воведоа здравствените службеници за заштита од коронавирусот.

Овие инвеститори не го вреднуваат профитот повеќе од животот на луѓето, како што велат тие, но само се подготвени да ризикуваат некои стравови за да ги спречат други, пишува „Блумберг“.

Милијардерот Том Голисано е загрижен. – Штетата од затворањето на економијата може да биде поголема отколку да изгубите неколку луѓе повеќе – вели Голисано, основач и претседател на компанијата за платен промет – „Пејчек“.

– Јас сум многу загрижен што многу бизниси ќе бидат затворени ако ова продолжи – додава тој.

– Избираме помеѓу две зла – вели Голисано, кој сака да ги врати луѓето во канцелариите во државите кои се релативно поштедени од коронавирусот, а оние кои што се во жариштата сепак да останат дома.

– Треба да ги измериме причините за и против тоа – додава тој.

Во државата Њујорк, каде болниците се преполни, гувернерот Ендру Куомо рече дека економијата не треба да се води „по цена на човечки животи“ и дека развива план за „да им овозможи на помладите луѓе да се вратат на работа“.

Сепак, прашање е дали треба да го сторат тоа.

Трамп, предводен од група хеџ-фондови и приватни гиганти, сака земјата да почне да функционира до Велигден, иако здравствените власти предупредуваат дека тоа пребрзо заради вирусот што ја зафати скоро целата планета.

Во САД, само компании со помалку од 500 вработени се обврзани да плаќаат боледување на работниците поради Ковид-19.

Економистите од Универзитетот „Нортвестерн“ пресметале дека мерката за одржувањето на социјалната дистанца може да спаси околу 600.000 животи на целата земја, пренесува „Блумберг“.

Но, Лојд Бланкфејн, кој ја предводеше групата „Голдман Сакс“ до 2018 година, ги повика луѓето да се вратат на работа, кога тој објави дека „екстремните мерки за ублажување на кривата на вирусот се на сила „некое време“, но може да ја уништат економијата“.

– За неколку недели, дозволете им на оние со помал ризик да се вратат на работа – предложи тој.

Неговиот долгогодишен заменик, Гери Кон, кој ја напушти таа банка да стане финансиски советник на Трамп, прашува дали е време да се „започне дискусија за датумот кога ќе започне економијата“.

– Без такво определување, бизнисите ќе го претпостават најлошото – рече тој.

Сопственикот на „Хјустон Рокетс“, Тилман Фертита ги повика властите да дозволат старт на бизнисите во ограничен обем за неколку недели за да избегнат економска катастрофа. Фертита, чии средства се проценуваат на 3,2 милијарди американски долари, вели дека неговата компанија сега е „практично без деловна активност“.

Сепак, неговото тврдење е спротивно на ставот дека предвремено започнување на економијата ќе убие уште повеќе луѓе и на крајот ќе предизвика поголема економска штета.

Милијардерите и другите членови на елитата го имаат тој луксуз да можат да заработат пари дури и во услови на социјално растојание. Оние што бараат работници да се вратат на работа, велат дека имаат за цел да спречат милиони луѓе да страдаат со години и да паднат уште подлабоко во долгови.