🎥 ДОШЛЕ ДО ЛУВР СО СКУТЕРИ, ВЛЕГЛЕ СО КРАН И СО МОТОРНИ ПИЛИ, ОДНЕЛЕ НЕШТО МНОГУ ВРЕДНО Филмски грабеж во славниот музеј во Париз

Ограбен е утрово најпосетуваниот музеј во светот, Лувр во Париз.

Според првите детали што ги објавија француските медиуми, крадците извеле акција што може да се види само на филм.

Според парискиот „Ле Фигаро“, грабежот се случил утрово помеѓу 9.30 и 9.40 часот.

Според сознанијата на овој весник, крадците со скутери се приближиле кон зградата Лувр, која се наоѓа во срцето на Париз. Потоа користеле кран за да пристапат до просторија во музејот каде што се чувал накит. Повикувајќи се на полициски извори, „Фигаро“ наведува дека крадците „користеле мали моторни пили“ за да ги скршат прозорците од просторијата каде што се наоѓал накитот, кој го зграпчиле и избегале.

„Француски либерасион“ дава уште неколку детали. Овој медиум, повикувајќи се на извори блиски до познатиот музеј, известува дека крадците поставиле кран на кејот Франсоа Митеран, за да пристапат до прозорец на првиот кат од музејот, кој го отвориле со моторна пила.

Користејќи ја истата моторна пила, тие наводно отвориле две витрини во галеријата Аполо, која се наоѓа на страната на музејот што е свртена кон реката Сена. Двете витрини се именувани „Наполеоновиот накит“ и „Накитот на владетелот“.

Сепак, сè уште не е познато што точно е украдено.

Снимките на социјалните мрежи покажуваат обезбедување и посетители што останале заклучени во музејот Лувр по грабежот, објави Би-Би-Си.

„Тукушто сум во Лувр и гледам дека обезбедувањето е заклучено внатре! На сите на влезот им е кажано дека не можат да влезат и дека музејот е затворен денеска“, напиша едно лице на социјалната мрежа Икс.

Веста за грабежот ја објави француската министерка за култура Рашида Дати на социјалните мрежи. Како што објави таа, грабежот се случил кога музејот се отворал. Дати исто така наведе дека е на местото на настанот и дека полицијата спроведува истрага.

Лувр накратко изјави на Икс дека е затворен од „вонредни причини“, но не даде дополнително објаснување зошто.

Музејот е најпосетуван во светот и содржи многу познати уметнички дела и други скапоцени предмети, што го прави една од најважните културни институции во светот.

French culture minister Rachida Dati confirms a robbery at the Louvre Museum in Paris.

No injuries reported, but the museum has closed for “exceptional reasons” as investigations continue.

What was stolen remains unclear. #Louvre #Paris pic.twitter.com/2Fk2vtwxn2

— BPI News (@BPINewsOrg) October 19, 2025