ДОСЕГА НИТУ ЕДНА ПРИЈАВА ЗА НЕПОТРЕБНА КАРДИОХИРУРШКА ИНТЕРВЕНЦИЈА Клековски повторно ги повика граѓаните да пријават ако имаат сомнежи
До средата немаше ниту една пријава за евентуална постапка за непотребна операција. Ние повторно ги повикуваме сите пациенти кои се сомневаат, без разлика дали имаат материјали и документи или не, бидејќи најголем дел документите се чуваат во архивите на болниците, да поднесат претставки - рече директорот на Фондот.
Досега нема пријави за непотребна операција по пријавата на кардиохирургот Сашко Кедев за можни непотребни хируршки зафати, изјави денеска директорот на Фондот за здравствено осигурување, Сашо Клековски.
– До средата немаше ниту една пријава за евентуална постапка за непотребна операција. Ние повторно ги повикуваме сите пациенти кои се сомневаат, без разлика дали имаат материјали и документи или не, бидејќи најголем дел документите се чуваат во архивите на болниците, да поднесат претставки – рече тој во изјава за медиуми при денешната посета на болницата во Кочани.
Министерството за здравство, во меѓувреме, најави формирање независна комисија составена од експерти од странство со цел да се утврди дали навистина се вршеле непотребни хируршки зафати во приватните здравствени установи согласно наводите на кардиохирургот Кедев.