Донација од 20.000 маски за АРМ од „Milaya Capital LTD“

Донација од 20 илјади маски доби Армијата од компанијата „Milaya Capital LTD“.

„Благодариме за гестот, во овие тешки времиња, секоја дополнителна заштита за припадниците на Армијата кои се во служба на заштитата на безбедноста и здравјето на граѓаните, е добредојдена!“, напиша Министерството за одбрана на профилот на Фејсбук.

Турскиот бизнисмен Јашар Ајавефе кој е сопственик на компанијата „Milaya Capital LTD“ најави дека ќе продолжи да донира во земјава со цел таа полесно да се справи во борбата против Ковид 19. Овој вирус, вели Ајавефе, е голем предизвик за човештвото и нѐ засега сите.