ДОКОЛКУ ПАНДЕМИЈАТА НЕ СЕ СМИРИ Од „Фајзер“ велат во годините што следуваат ќе примаме бустер дози

Директорот на фармацевтската компанија „Фајзер“, Бен Озборн, рече дека веројатно ќе ни требаат бустер дози на вакцината против ковид-19 во наредните години, но сè уште не е познато дали тие ќе се администрираат на секои шест месеци или еднаш годишно.

Кога станува збор за омикронската варијанта на коронавирусот, Озборн вели дека сè уште чекаат разни нови податоци за новиот вид на вирусот, не само од „Фајзер“ и „БиоНТек“, туку и од владите и здравствените системи ширум светот.

– Мислам дека веќе имаме основни информации за вирусот, а знаењето за мутациите е многу добро документирано. Можам да кажам дека сме подготвени – вели тој.

– Сè уште ни треба знаење за три фактори – нивото на пренос на новата варијанта и дали ќе ја „измести“ делтата, тогаш треба да го знаеме влијанието на омикронот врз хоспитализирањата и потенцијалната смрт при тешка болест, и трето, многу важно знаење за тоа колку е ефективна вакцината во оваа варијанта – додава Озброн.

– Во неделите што следат, ќе имаме повеќе податоци за сите три фактори, што ќе резултира со одлуки што ќе ги донесе „Фајзер“, но и владите ширум светот – рече директорот.

– Можам да кажам дека сме подготвени. Доколку ни треба нова вакцина, можеме да ја развиеме и произведеме во големи количини. Но, во меѓувреме најважно е сите возрасни да добијат бустер доза за да го постигнат тоа основно ниво на имунитет – вели тој.

Запрашан колку долго на луѓето ќе им требаат дополнителни (засилувачи) дози, тој рече дека е „многу тешко да се предвиди на долг рок со оглед на тоа што никој не може со сигурност да предвиди како ќе се развие вирусот во иднина“.

– Според досегашните научни сознанија, веројатно ќе ни треба одредено ниво на вакцинација на возрасната популација во наредните години. За жал, не знаеме дали е вакцинација на секои шест месеци или секоја година, како што правиме во случајот со вакцинацијата против различни видови на грип – рече Озборн.