Доказите на англиски јазик на обвинителката Стефанова го одложија рочиштето за предметот „Плацеви на Водно“
Случајот го води судијата Илија Трпков, а застапник на обвинението е обвинителката Лиле Стефанова.
Второто рочиште во судскиот предмет „Плацеви на Водно“ денеска се одложи на барање на одбраната поради превод на доказите од анлиски јазик на македонски како и поради зафатеност на адвокатот поставен по службена должност во предметот означен од обвинителството како „ТНТ“, соопштија од Основен кривичен суд Скопје.
Случајот го води судијата Илија Трпков, а застапник на обвинението е обвинителката Лиле Стефанова.
Според обвинението за случајот „Плацеви на Водно“, Груевски е обвинет за делата „перење пари и за противправно стекнување и прикривање на имот“, неговиот кум Ристо Новачевски, бизнисмените Ненад Јосифовиќ, Јордан (Орце) Камчев и Ратка Куновска Камчева се товарат за „перење пари“, а првиот братучед на Груевски и поранешен директор на УБК, Сашо Мијалков, е обвинет за „помагање при кривично дело перење пари и други приноси од казниво дело“.