ДОГОВОРЕН ДЕНОТ Д ЗА МОЖНА ВОЕНА ИНТЕРВЕНЦИЈА ВО НИГЕР Ако не успее дипломатијата, ќе стапи на сила оружјето
Договорот беше постигнат на дводневната средба на воените лидери на западноафриканските земји во Акра, главниот град на Гана, на која се разговараше за логистиката и стратегијата за можна употреба на сила во Нигер, што би била последна опција на ЕКОВАС.
Најважниот блок во Западна Африка, ЕКОВАС, го договори денот Д за можна воена интервенција за враќање на демократијата во Нигер, доколку дипломатските напори не успеат, изјави денеска висок функционер, без да го открие точниот датум.
Договорот беше постигнат на дводневната средба на воените лидери на западноафриканските земји во Акра, главниот град на Гана, на која се разговараше за логистиката и стратегијата за можна употреба на сила во Нигер, што би била последна опција на ЕКОВАС.
– Подготвени сме да влеземе во моментот кога ќе ја добиеме наредбата. Одлучен е и Денот Д. Веќе договоривме и приспособивме се што ни треба за интервенција – рече комесарот за политички прашања, мир и безбедност на ЕКОВАС, Абдел-Фатау Мусах.
Тој нагласи дека сè уште се обидуваат мирно да преговараат со хунтата.
– Додека зборуваме, сè уште подготвуваме мисија за посредување во земјава, затоа не затвораме ниту една врата – рече Мусах.
Војската го собори претседателот на Нигер, Мохамед Базум на 26 јули и не одговори на повиците на Обединетите нации и ЕКОВАС да го вратат на власт, што го натера блокот да ги стави своите сили во готовност.
Повеќето од 15-те членки на ЕКОВАС се подготвени да придонесат за заедничките сили, освен оние кои се исто така под воена управа – Мали, Буркина Фасо, Гвинеја и Зеленортски Острови, изјави во четвртокот официјален претставник на ЕКОВАС.
Претставниците на одбраната одбија да кажат колку војници ќе бидат распоредени или какви било други стратешки детали.