Додека таткото се бори за живот, синот собира пари за да го плати лекувањето: „Државата нè остави на цедило!“

Младиот штипјанец Михаило Донев, веќе неколку дена се обидува да собере донации за неговиот татко Ристо, кој поради компликации на неговото здравје предизвикани од ковид-19 и неможноста да биде примен во некој од ковид-центрите во главниот град, за да го спаси својот татко морал да го смести во приватна клиника

Инаку, Ристо Донев шест дена се лекувал во штипската болница, а откако значително му се влошила здравствената состојба, тој морал да биде хоспитализиран во Скопје. За жал, како што тврди Михаило, за неговиот татко немало место во клиниките и единствено решение за семејстовото да го спаси било хоспитализација во една од приватните клиники.

Според информациите, 54-годишниот Ристо Донев најверојатно се заразил на работното место.

– За лекуваање на државно, пробавме секаде. Единствено место имаше во Козле, меѓутоа таму ми рекоа дека е за полесни пациенти и ништо не успеавме да направиме на државно и покренавме иницијатива за хоспитализирање во приватна клиника – вели Михаило.

Тој во еден од своите статуси на социјалните мрежи напиша: „Не сакам никој да заплашувам дополнително, ама вирусот постои и е многу, многу непредвидлив. Да не даде Господ да почувствате на своја кожа или на некој близок“.

„Во државно никому не му е гајле за обичните луѓе, на приватно е изгор, а за жал тоа е единствената надежна опција… Кога не можеше државата да му обезбеди соодветно место за лекување, ги повикувам сите хумани луѓе да помогнат во оваа тешка битка. Благодарам од срце“, напиша Михаило на социјалните мрежи.

Како што посочува Михаило, за лекување на неговиот татко се потребни 15.000 евра, и тоа само за првите десет дена. Доколку Донев треба да се лекува подолго, сметката ќе расте. Семејството не може да го подмири овој долг, па поради тоа Михаило упати апел до сите хумани луѓе да помогнат во оваа тешка битка.

ДОНИРАЈТЕ НА СЛЕДНАТА СМЕТКА:

за: Ристо Донев

назнака: За донација

жиро с-ка: 210 700000 659 445

банка: НЛБ Тутунска

ДОНИРАЈТЕ ПРЕКУ GOFUNDME:

Донирајте преку *GoFundMe на следниот линк:

https://www.gofundme.com/f/help-riste-donev-genezen-van-covid19?utm_medium=email&utm_source=product&utm_campaign=p_email%2B4803-donation-alert-v5&fbclid=IwAR3acOVSFfbpOioQDmXg_MwnTn7TWrXQqfH2KDepqp_CZhL5Z73Y6SbUj_0

ДОНИРАЈТЕ ВО ПУНКТОВИТЕ ЗА ДОНАЦИИ ВО ШТИП:

Во родниот град на Ристо Донев веќе се отворени неколку пунктови за донации:

– пункт кај МЕСАРА МИК (во населба Сењак)
– пунктови во ПАКЕТ МАРКЕТИ (еден во маркетот во близина на Хамачи и еден во маркетот во близина на полициската станица
– пункт во ЕЛКОС (трговски центар)
– пункт во пиљара „ЦВЕТ“

Повеќе сопственици на кафе-барови во центарот на Штип се согласиле во нивните локали исто така да се постават пукнтови за собирање на донации во нивните локали со цел да се помогне на нивниот сограѓани.