Доаѓаат 297 македонски граѓани од Северна Италија, во карантин ќе бидат три недели

Министерот за внатрешни работи, Наќе Чулев најави дека во вторник ќе пристигнат 297 наши сограѓани од Северна Италија.

– Ова се лица со зголемен ризик и тие треба да останат три недели во изолација, за разлика од претходните кои требаа да бидат 14 дена. Комисијата за здравство се одлучи за ваков потег со оглед на регионот од кој доаѓаат овие лица- вели Чулев.

Тој сподели дека нашите граѓани се многу креативни кога ќе бидат фатени од полицијата како ги прекршуваат мерките, наметнати поради епидемијата од коронавирусот.

– Полициските сили сепак на лице место проверуваат дали граѓаните имаат навистина потреба да одат во здравствена установа или дека навистина имаат друга неопходна работа. Дали во случајот се јавил на 192 за да закажал одреден термин за одредена активност, и доколку не е така против него се поднесува соодветна пријава – додава министерот.