🎥ДОАЃА ОТИС, УРАГАН ОД ПЕТТА КАТЕГОРИЈА Во Акапулко издадено предупредување, распоредена е и војската

Ураганот Отис се движи кон популарното одморалиште Акапулко и се подготвува да стигне на брегот на Мексико во Тихиот Океан како „исклучително опасна“ бура од петта категорија.

Отис се очекуваше утрово да дојде до брегот, носејќи силен ветер и обилен дожд. Вчера доцна попладнето веќе беше ураган од четврта категорија, со максимални постојани ветрови од 233 километри на час, соопшти американскиот Национален центар за урагани (НХЦ).

До 18 часот по локално време, или на полноќ по Гринич, Отис беше на околу 137 километри југо-југоисточно од Акапулко и ќе продолжи да се засилува пред да дојде до копното, додаде НХЦ.

Сепак, кога Отис ќе стигне до брегот, треба брзо да ослабне.

#BREAKING | Hurricane #Otis is already category 5 with winds of 260 km/h. It is located 90 km south-southeast of Acapulco, Guerrero.#Otis #Mexico #WeatherUpdate pic.twitter.com/0tXBlPXU4h

— Breaking news 24/7 (@aliifil1) October 25, 2023

Мексиканската армија и морнарица распоредија повеќе од 8.000 лица во областа со специјализирана опрема за да помогнат во спасувањето, а властите го затворија пристаништето Акапулко.

Мексиканскиот претседател Андрес Мануел Лопез Обрадор им порача на жителите да одат во засолништа или да останат на безбедни места подалеку од брегот.

Владата на мексиканската држава Гереро објави дека подготвува 396 засолништа.

Градоначалничката на Акапулко, Абелина Лопес изјави дека Отис може да биде поразорен од ураганот Полин, кој го погоди Акапулко во 1997 година, при што загинаа 200 луѓе и уништија делови од градот, додека стотици други беа повредени во поплави и лизгање на земјиштето.

#BREAKING | The worst of the winds and rain are occurring right now in Acapulco,Guerrero through the eye of #Otis. #Otis #Mexico #WeatherUpdate #Huracan #Hurricane pic.twitter.com/m5tlj85yTU

— Breaking news 24/7 (@aliifil1) October 25, 2023