ДОЈДИ ПРЕД ВЛАДАТА, ЗА МАКЕДОНИЈА ПОВТОРНО ДА БИДЕ ТВОЈА! Апел на ВМРО-ДПМНЕ за масовно присуство на митингот пред Владата во 20 часот
Од денес почнува последната битка за промените, се вели во соопштението на партијата, пред денешниот голем сенароден митинг.
ВМРО-ДПМНЕ ги повика сите граѓани денеска во 20 часот на платото пред владата на голем сенароден митинг, да им порачаат на власта дека нејзиното време завршило.
– Шест и пол години Македонија e понижувана, угнетувана, ограбувана. СДС уништи сѐ и ја уназади Македонија. За шест и пол години, колку што е СДС на власт, растот на БДП по глава на жител во Македонија е само 20%, додека кај земјите во регионот над 50%. Нема поголем доказ дека шест и пол години Македонија ја водат неспособни и криминални луѓе од ова – соопштија од ВМРО-ДПМНЕ.
Шест и пол години нема учебници за учениците, се краде на болните од рак, субвенциите доцнат. Време е да се случат промени. Време е Македонија да се исправи. Од денес почнува последната битка за промените, се вели во соопштението на партијата и се додава:
– ВМРО-ДПМНЕ има план и програма да донесе просперитет. За Македонија повторно твоја. Промените се во твои раце!