ДОЈАВА ЗА БОМБИ ВО 100 УЧИЛИШТА ВО БЕЛГРАД Родителите се информирани да не ги пуштаат децата на училиште

Утрово на адресите на неколку белградски училишта е пристигната дојава за бомба, објавија српските медиуми.

Српското  МВР соопшти дека информација за дојава за бомби добиле од основни и средни училишта, а полицијата е на терен.

На родителите со пораки им било кажано да не ги носат децата во прва смена, а за попладневната смена ќе бидат известени дали треба да дојдат или не.

Министерството за образование на Србија подоцна објави дека  дојави за бомба имало во  78 основни и 37 средни училишта во Белград.