ДО 2030 ГОДИНА ПАКУВАЊЕТО ОД ПЛАСТИКА ТРЕБА ДА СЕ НАМАЛИ ЗА 5% Европската Унија носи нов закон за намалување на отпад од пакување
Планирано е постепено да се намалува овој вид на отпад и тоа 5% до 2030 година и дополнителни 15% до 2040 година. Исто така, се предвидува до 2030 година целото пакување да биде направено од материјали кои можат да се рециклираат.
Европската унија се договори околу новиот закон за намалување на отпадот од пакување и забрана на пластика за еднократна употреба – мали шишиња за шампони, кеси за супермаркети, пластична амбалажа за овошје и зеленчук…
Планирано е постепено да се намалува овој вид на отпад и тоа 5% до 2030 година и дополнителни 15% до 2040 година. Исто така, се предвидува до 2030 година целото пакување да биде направено од материјали кои можат да се рециклираат.
Дотогаш, забраната ќе важи за пластичните производи за еднократна употреба како чинии, чаши и кутии што ги користат рестораните за брза храна, пластична амбалажа за овошје и зеленчук во супермаркетите, облоги за багаж на аеродроми и слични стоки.
Во предлогот се наведува дека таканаречените „упорни хемикалии“ (PFAS) нема да можат да се користат во пакувањата што доаѓаат во контакт со храната.
Се претпоставува дека секој Европеец произведува речиси 190 килограми отпад од пакување годишно.